sureshguruboy

தத்துவ அறிஞர்களின் கோட்பாட்டு பார்வையில் ராஜீவ் கொலை வழக்கு இந்திய பிரதமராக இருந்த ராஜீவ் காந்தி கொலை குறித்த கட்டுரைகளை படிப்பதன் மூலம், அதனை, அதன் வழியிலேயே அணுக முடியும். நமது சிந்தனைக்கு கொண்டு சென்று, கிளறி விட்டால் மட்டுமே மேற்கொண்டு, அதில் பயணிக்க முடியும். அதனையொட்டி, ராஜீவ் கொலை வழக்கு குறித்த பன்முகப் பார்வையை மக்களிடம் கொண்டு வரும் வழியாக, அவர்களின் சிந்தனைகளை ஆய்வு ரீதியாக கொண்டு, ராஜீவ் கொலையில் சிக்கிய ஏழு தமிழர்களின் நிலையை உணரச் செய்து, ராஜீவ் கொலையின் உண்மைக் நிலையை வெளிக்கொணரும் அடுத்தக் கட்ட நகர்வாக, மேலை நாட்டு தத்துவ அறிஞர்களின் பார்வையில் இக்கட்டுரை எழுதப்படுகிறது. இதற்காக,   ஏகல், அடர்னோ, சீசக், கார்ல் மார்க்ஸ், எங்கல்ஸ் ஆகியோரின் கருத்தாக்க, கோட்பாட்டு பார்வைகளை, ராஜீவ் கொலை வழக்கில் சிக்கிய ஏழு பேரில் ஒருவரான  “ இரவிச்சந்திரன் எழுதி, எழுத்தாளர்  பா. ஏகலைவன் தொகுத்த,  ராஜீவ் காந்தி படுகொலை சிவராசன் டாப் சீக்ரெட்  ”   என்னும் புத்தகம் ஆய்வுத் தளமாக கொண்டு அணுகப்படுகிறது.  ஜெர்மன் தத்துவவியல் அறிஞர் ஏகலின் (Geo...

மக்களை அடிமைப்படுத்தும் போலி விளம்பரங்கள் : உஷார்…உஷார்… தொலைக்காட்சி விளம்பரங்கள் என்பது நிகழ்ச்சிகளின் இடைவெளியில் ஒளிபரப்புவது என்ற நிலையில் இருந்து, விளம்பரங்களின் இடையில் நிகழ்ச்சிகளை ஒளிபரப்புவது என்ற நிலைக்கு பெரும்பாலும் மாறியுள்ளது. இதில், விளம்பரங்களின் உண்மைத் தன்மை என்ன என்று அறிந்து பொருட்களை வாங்கும் நிலையில் இருந்து, எந்த விளம்பரம் மனதை கவர்கிறதோ அதனை அடிப்படையாக கொண்டு பொருட்களை வாங்கும் மன நிலைக்கு மக்கள் தள்ளப்பட்டுள்ளனர். குறிப்பாக, கிராப்பிக்ஸ் துணைக் கொண்டு பல மாய வித்தைகள் செய்து வியாபாரம் செய்கின்றனர். இதில், அழகு பொருட்கள் சார்ந்த விளம்பரங்களுக்கு வெள்ளை நிற பெண்களையும், ஆன்லைன் வர்த்தகத்தை ஊக்குவிக்க பல மாய தோற்றத்தையும் உருவாக்கி வருகிறார்கள், குறிப்பாக, இளைய தலைமுறையின் வளர்ச்சி, நாகரீக வளர்ச்சி, தொழில்நுட்ப வளர்ச்சி என்பது வீட்டில் இருந்தே பொருட்களை பெறுவது என்ற பிம்பத்தையும் உருவாக்கி வருகிறார்கள்,  ஹமம் சோப் பயன்படுத்துவதன் மூலம் பெண் பிள்ளைகள் சமூகத்தில் அச்சமின்றி நடந்து செல்லலாம், ஹார்லிக்ஸ் குடித்தால் மூளையை வளர செய்து அனைவரையும்...

ஆட்டம் போடுவது யார் : நடிகரா ? ரசிகரா ? மனித உடலில் இருந்து இரத்தத்தை பிரித்தெடுத்தால் என்ன நிலை ஆகுமோ ? அதே நிலையை ரசிகரின் மனதில் இருந்து அவரது ரசிப்பை பிரித்தெடுத்தால் ஆகும். அந்த அளவிற்கு மனிதருக்கும்,  அவரது ரசிப்புக்கும் இடையே மரபு நேசம் ஒட்டிக் கொண்டிருக்கிறது. உலகம் முழுவதும் ஆடல், பாடல் இல்லாத ஓர் நிலை உருவானால், இயந்திரத் தனமான சமகாலத்தில், ஒருவர் மற்றொருவரை கொலை செய்யும் அளவிற்கான மன அழுத்தம் உருவாகக் கூடும். மூன்றாம் உலகப் போர் தண்ணீரால் மட்டுமல்ல, ஆடல், பாடல் இல்லாத நிலத்திலும் உருவாகும் என அறிஞர்களால் எச்சரிக்கை விடக் கூடும். தமிழகத்தின் இயல்பு வாழ்க்கையை பொறுத்த வரையில் ஆடலும், பாடலும் இன்றி ஓர் அணுவும் அசையாது. ஏனெனில், தமிழ்ச் சமூகத்தில் பிறப்பு முதல் இறப்பு வரை ஆடல், பாடல் ஒன்றோடொன்று கலந்துள்ளது. அதிலும், தமிழ் இசைக் கருவிகள் வாழ்வியலோடு தொடர்புடையதாக இருப்பதால் அதற்கான அசைவுகளும் தன்னகத்தே கொண்டு, நடனமாக வெளிப்படுத்தி வருகின்றனர். அத்துடன், தனக்காக வாழ்பவர்களை, தனக்காக தியாகம் செய்பவர்களை, மனதிற்கு மகிழ்ச்சியை தந்து, துன்பம் நீக்குபவர்களை கடவுளாக ப...

                                 ராஜீவ்காந்தி கொலை : டாப் சீக்ரெட் என்ன ? உலக அரசியல் வரலாற்றில் அவ்வப்போது கண்ணுக்கு தெரிந்தே சில அயோக்கியத்தனங்கள் அரங்கேறுவது வழக்கம். அதில், இந்தியாவை பொறுத்தவரையில் நடப்பு நூற்றாண்டில்  அதிக அளவில் அரசியல்  அயோக்கியத்தனங்கள் நடந்து வருகிறது. குறிப்பாக, ஆந்திராவில் சட்டத்திற்கு புறம்பாக செம்மரம் வெட்டியதாக தமிழர்கள் சுடப்பட்டு இருப்பர். ஆனால், செம்மரம் வெட்டச் சொல்லிய நபரின் பெயர் கூட வெளியே வராது,  மூன்று மாநில எல்லையில் சந்தன மரங்களை வெட்டியதற்காக, யானை தந்தங்களை விற்பனை செய்ததற்காக காட்டில் இருந்த வீரப்பன் கொடுரமாக கொலை செய்யப்படுவர். ஆனால், சந்தன மரங்களை, யானை தந்தங்களை  வாங்கியவர்கள் நகரத்தில் இருந்தாலும், அவர்கள் மீது சிறு தூசியும் படிந்து இருக்காது. இதற்கு, இந்திய அரசாங்கமும், சட்டங்களும், ஏவல் துறையும் தெரிந்தே உடந்தையாக இருக்கும்.  இதற்கு முத்தாய்ப்பாக விளங்குவது 7  தமிழர்களின் சிறை வாசம். ஒரு நாட்டின் பிரதமரை வெடிக...

ஈ.வே.ரா “வெங்காயம்” கருத்தாக்கப் பார்வையில் பிக்பாஸ் தமிழகத்தின் ஈரோடு வேங்கட ராமசாமி என்ற பகுத்தறிவாதியை, பிரெஞ்ச் தத்துவ அறிஞர் லக்காகானுடன் இணைத்து ஓர் ஆய்வுக் கட்டுரையை எழுதியுள்ளேன். இதற்கான, சின்னத்திரையில் ஒளிபரப்பாகும் “பிக்பாஸ்” நிகழ்ச்சியை ஓர் தளமாக கொண்டுள்ளேன். * ஆய்வுக் கட்டுரையை படிப்பதற்கு முன் கீழே கொடுக்கப்பட்ட கேள்வி பதில்களை படிக்கவும். இதன் மூலம், ஆய்வுக்கான ஆதார கூறுகளை புரிந்துக் கொள்ள முடியும். 1)ஈ.வே.ரா அவர்களின் "வெங்காயம்" கருத்தாக்கம் இந்த ஆய்வில் ஏன், எதற்காக முக்கியம்? ஈவேரா அவர்களின் “வெங்காயம்” கருத்தாக்கம் இந்த ஆய்வில் முக்கியமானது என கருதுகிறேன். ஏனெனில், பேச்சு வழக்கில் இருக்கும் தமிழ் சமூகம் எதனை பேச வேண்டும் என்பதை விட, எதையாவது பேச வேண்டும் என்பதே பிரதானமாக உள்ளது. பேச்சு இல்லை என்றால், தனது சுயத்தை இழந்ததாக கருதும் நிலைக்கு ஆளாகும். இதற்கு தமிழக பழமொழிகள், சொல்லாடல்கள் முன்னுதாரணமாக உள்ளது. அதனால், தமிழ் சமூகத்தில் பேச்சு பிரதானமாக உள்ளது. இதனை அடிப்படையாக கொண்டு, தொலைக்காட்சிகளில் வரும் நெடுந்தொடர்கள் சம காலத்தில் பேசுகின்றத...